cinemaHeadlinesTamilnaduviral

தவறான விமர்சனம் – ப்ளூ சட்டை மாறன் மீது இயக்குனர் புகார்


யூடியூபில் சினிமா விமர்சகர் ப்ளூ சட்டை மாறன் பணம் கேட்டு மிரட்டியதாக சார்லி சாப்ளின் 2 பட இயக்குநர் சக்தி சிதம்பரம் சென்னை காவல் ஆணையர் அலுவலகத்தில் புகார் அளித்துள்ளார்.

தமிழ் டாக்கீஸ் என்ற பெயரில் யூடியூப் சேனலை நடத்தி வரும் ப்ளூ சட்டை மாறன் என்பவர் திரைப்படங்கள் குறித்த விமர்சனங்களை வெளியிட்டு வருகிறார். பெரும்பாலான இவரது விமர்சனங்களில் சினிமாக்களையும், இயக்குநர்களை, நடிகர்களை இழிவுபடுத்தி பேசுவது வாடிக்கையாக இருக்கும். இந்த நிலையில், இவர் அண்மையில் பிரபுதேவா நடிப்பில் வெளியான சார்லி சாப்ளின் 2 படத்தை கடுமையாக விமர்சித்திருந்தார். இதனால் அதிர்ச்சியடைந்த அந்த படத்தின் இயக்குநர் சக்தி சிதம்பரம், தயாரிப்பாளர் சிவா ஆகியோர் மாறன் மீது சென்னை காவல் ஆணையர் அலுவலகத்தில் புகாரளித்தனர்.

அப்போது பேசிய இயக்குநர் சக்தி சிதம்பரம் ப்ளூ சட்டை மாறன் தன்னிடம் பணம் கேட்டு வற்புறுத்தியதாகவும், கொடுக்க மறுத்ததால் படத்தை தரக்குறைவாக விமர்சனம் செய்ததாகவும் குற்றம்சாட்டினார். தமிழ் டாக்கீஸ் யூடியூப் சேனலை முடக்கி ப்ளூ சட்டை மாறன் மீதும் கடும் நடவடிக்கை எடுக்க வேண்டும் என அவர் கோரிக்கை விடுத்தார்.