Uncategorized

எச்.ராஜாவை எதிர்த்து போஸ்டர் ஒட்டிய திமுக,அதிமுகவினர்..! – கடலூரில் பரபரப்பு..!

கடலூர் மாவட்டத்தில் எச்.ராஜாவிற்கு எதிராக திமுக, அதிமுக வினர் இணைந்து ஆர்ப்பாட்டம் நடைபெறும் என கண்டன போஸ்டர் அடித்து ஒட்டப்பட்ட சம்பவம் பரபரப்பை ஏற்படுத்தியுள்ளது.

கடலூர் மாவட்டம் திட்டக்குடி வட்டம் அரியநாச்சி என்னும் கிராமத்திற்கு எச்.ராஜா வருகை தருகிறார் என தகவல் கிடைத்தது. இதனையடுத்து அந்த கிராம மக்களோடு இணைந்து திமுக அதிமுக வினர் கண்டன ஆர்ப்பாட்ட போஸ்டரை ஒட்டி பரபரப்பை ஏற்படுத்தியுள்ளனர்.

அந்த போஸ்டரில் அ.பு.ச 428/13ல் சார் ஆட்சியரின் உத்தரவு திட்டக்குடி நீதிமன்ற வழக்கு OS NO :216/17 இவைகளை மீறி சாமி பெயரில் வருகை தரும் இந்து அதர்ம கொள்கைவாதி எச்.ராஜா அவர்களே ஒழிக ஒழிக” என அச்சிடப்பட்டுள்ளது..l

விநாயகர் சதுர்த்தி விழாவிற்கு அமைதியாக இருக்கும் கிராமத்தில் வந்து வன்முறை பேச்சுக்களின் மூலம் பதற்றத்தை ஏற்படுத்தும் நோக்கில் எச்.ராஜா வருகை தருவதாக அப்பகுதி மக்கள் குற்றம் சாட்டுகின்றனர்.

தமிழகத்தில் சர்ச்சை பேச்சுக்கும், வன்முறை பேச்சுக்கும் பெயர்போன பிரபல முகமான பாஜக தேசிய செயலாளர் எச்.ராஜாவிற்கு எதிராக இத்தகைய போஸ்டரை திமுக- அதிமுகவினரே ஒன்றிணைந்து ஒட்டிய சம்பவம் பாஜக தரப்பினரிடையே கொந்தளிப்பை ஏற்படுத்தியுள்ளது.