FunIndiaPolitics

எதிர்க்கட்சிகள் ஏவிய தீய சக்திகளே பாஜக தலைவர்கள் மரணத்துக்கு காரணம் – பாஜக எம்.பி

மாலேகான் தீவிரவாத தாக்குதலில் ஈடுபட்டதாக கைதாகி ஜாமினில் வெளிவந்து விசாரணையை எதிர்கொண்டு வரும் போபால் பாஜக எம்.பி, சாத்வி பிரக்யா சிங் தாக்கூர், பாஜக மூத்த தலைவர்கள் மறைவுக்கு எதிர்க்கட்சிகளே காரணம் எனத் தெரிவித்துள்ளார்.

இது குறித்து பேசிய அவர், பாஜக தலைவர்களுக்கு எதிராக எதிர்க் கட்சிகள் தீய சக்திகளை பயன்படுத்துவதாகவும், மகாரஜ் ஜி தன்னிடம் கூறினார் என்றும், இப்போது நடப்பதை எல்லாம் பார்க்கும் போது அவர் கூறி உண்மை என்றே தோன்றுவதாகவும் தெரிவித்துள்ளார். சுஷ்ம ஸ்வராஜ், அருண் ஜெட்லி மறைவை சுட்டிக்காட்டிய அவர், கட்சித் தலைவர்கள் ஒருவர் பின் ஒருவராக மரணமடைந்து வருவதாகவும், மகாராஜ் ஜி சொன்னதை இப்போது நினைத்து பார்ப்பதாகவும் பேசிய அவர், பிறர் நம்பினாலும் நம்பாவிட்டாலும் தனக்கு இது உண்மை என்றே தோன்றுவதாக தெரிவித்துள்ளார்.

இவரது இந்த கருத்து பெரும் சர்ச்சையை ஏற்படுத்தி உள்ளது. நாட்டை வளர்ச்சிப்பாதைக்கு அழைத்துச் செல்வதாக ஆளும் பாஜக அரசு சொல்லிக்கொண்டு வரும் வேளையில், அக்கட்சி எம்.பியே நாட்டு மக்களை மூட நம்பிக்கைகள், மாந்திரீகத்தின் பக்கம் அழைத்துச் செல்லும் வகையில் பேசியுள்ளார்.