archiveOctober 13, 2019

EducationIndia

“காந்தி எப்படி தற்கொலை செய்துகொண்டார்?” – குஜராத் தனியார் பள்ளியின் அதிர்ச்சி கேள்வித்தாள்..!

குஜராத் தனியார் பள்ளிகள் நடத்திய உள் மதிப்பீட்டு தேர்வில் காந்திஜி எப்படி தற்கொலை செய்து கொண்டார்? எனக் கேள்வி கேட்கப்பட்டிருப்பது அதிர்ச்சியை ஏற்படுத்தியுள்ளது.

குஜராத் மாநிலம் காந்திநகரில் சஃபலாம் ஷலா விகாஷ் சங்குல் என்ற அமைப்பு பல தனியார் பள்ளிகளை நடத்தி வருகிறது. இந்த அமைப்பின் கீழ் இயங்கும் பள்ளிகளில் படிக்கும் மாணவர்களுக்கு நேற்று உள்மதிப்பீட்டு தேர்வு நடைபெற்றது.

அப்போது 9-ம் வகுப்பு மாணவர்களுக்கான கேள்வித்தாளில் காந்திஜி எப்படி தற்கொலை செய்து கொண்டார்? எனக் கேட்கப்பட்டிருந்தது. இந்த கேள்வியை படித்து பார்த்ததும் மாணவர்கள் அதிர்ச்சியடைந்துள்ளனர்.

இதுகுறித்து காந்திநகர் மாவட்ட கல்வி அதிகாரி பரத் வதேர் இந்த கேள்வி முற்றிலும் ஆட்சபணைக்குரியது என்றும் தாங்கள் முதல்கட்ட விசாரணையை தொடங்கியுள்ளோம் என்றும் அறிக்கை வந்த பின் நடவடிக்கை எடுக்கப்படும் என்றார்.

PoliticsTamilnadu

இடைத்தேர்தலில் தி.மு.க கூட்டணிக்கு எஸ்.டி.பி.ஐ. ஆதரவு!

தமிழகத்தில் விக்கிரவாண்டி மற்றும் நாங்குநேரி சட்டப்பேரவை தொகுதிகள் மற்றும் புதுச்சேரி காமராஜர் நகர் தொகுதிக்கு வரும் 21-ம் தேதி இடைத்தேர்தல் நடைபெறவிருக்கின்ற நிலையில், திமுக-காங்கிரஸ் கூட்டணி வேட்பாளர்களுக்கு எஸ்.டி.பி.ஐ. கட்சி ஆதரவு தெரிவித்துள்ளது.இதுதொடர்பாக எஸ்.டி.பி.ஐ. கட்சியின் மாநில தலைவர் நெல்லை முபாரக் வெளியிட்டுள்ள அறிக்கையில் கூறியிருப்பதாவது;“எஸ்டிபிஐ கட்சியின் மாநில நிர்வாகக்குழு கூட்டம் சென்னையில் நடைபெற்றது. இந்த கூட்டத்தில் அக்.21 அன்று நடைபெறவிருக்கும் விக்ரவாண்டி, நாங்குநேரி மற்றும் புதுச்சேரி-காமராஜர் நகர் ஆகிய மூன்று தொகுதிகளுக்கான இடைத் தேர்தலில் கட்சியின் நிலைப்பாடு குறித்து விரிவாக விவாதிக்கப்பட்டது. தற்போதைய அரசியல் சூழலை கருத்தில்கொண்டு நடைபெறவிருக்கும் இந்த இடைத்தேர்தலில், திமுக காங்கிரஸ் கூட்டணிக்கு ஆதரவு தெரிவிப்பது என கூட்டத்தில் முடிவுசெய்யப்பட்டது.ஆகவே, இடைத்தேர்தல் நடைபெறும் விக்ரவாண்டி தொகுதியில் போட்டியிடும் திமுக வேட்பாளர் புகழேந்தி, நாங்குநேரி தொகுதியில் போட்டிடும் காங்கிரஸ் வேட்பாளர் ரூபி மனோகரன் மற்றும் புதுச்சேரி-காமராஜர் நகர் தொகுதியில் போட்டியிடும் காங்கிரஸ் வேட்பாளர் ஜான் குமார் ஆகியோரின் வெற்றிக்குப் பணியாற்றுமாறு கட்சியின் தொண்டர்களை அன்போடு கேட்டுக்கொள்கிறேன்.”இவ்வாறு அவர் அந்த அறிக்கையில் தெரிவித்துள்ளார்.
கடந்த மக்களவைத் தேர்தலில் அமமுகவுடன் கூட்டணி அமைத்து மத்திய சென்னை தொகுதியில் எஸ்.டி.பி.ஐ. கட்சி போட்டியிட்டது. திமுகவின் தயாநிதிமாறனையும், அதிமுக கூட்டணியில் போட்டியிட்ட பாமக வேட்பாளர் சாம்பாலையும் எதிர்த்து போட்டியிட்டார் அக்கட்சியின் தெஹ்லான் பாகவி. இதனிடையே அமமுக இடைத்தேர்தலை புறக்கணித்துள்ள நிலையில், திமுக, காங்கிரஸ் வேட்பாளர்களுக்கு ஆதரவு என எஸ்.டி.பி.ஐ. கட்சியின் நிர்வாக குழு கூட்டத்தில் முடிவெடுக்கப்பட்டது. கடந்த 2016 சட்டமன்றத் தேர்தலில் திமுக கூட்டணியில் கிட்டத்தட்ட இணையவிருந்த எஸ்.டி.பி.ஐ கட்சி 3 தொகுதிகளை கேட்டது. ஆனால் திமுக 1 சீட் மட்டுமே தர முன்வந்ததால் கூட்டணியில் சேர மாட்டோம் என எஸ்.டி.பி.ஐ. அறிவித்தது குறிப்பிடத்தக்கது.

Tamilnaduweather

தமிழகத்தில் அடுத்த 4 நாட்களில் வடகிழக்கு பருவமழை தொடங்குகிறது

சென்னை நுங்கம்பாக்கத்தில் உள்ள சென்னை மண்டல வானிலை ஆய்வு மையத்தில் வானிலை தென்மண்டல துறை தலைவர் பாலசந்திரன் செய்தியாளர் சந்தித்தார்.

அப்போது அவர் பேசியதாவது “தென்னிந்திய பகுதிகளில் வளிமண்டல கிழடுக்கில் கிழக்கு திசை காற்று வீச தொடங்கி உள்ளது. தென்மேற்கு பருவமழை வடக்கு மற்றும் மத்திய இந்திய பகுதிகளில் இருந்து படிப்படியாக விலகி வரும் நிலையில்
வடகிழக்கு பருவமழை அக்டோபர் 17ஆம் தேதியை ஒட்டி தொடங்க வாய்ப்புள்ளது.

கடந்த 24 மணி நேரத்தில் வெப்பசலனம் காரணமாக தமிழகம் மற்றும் புதுவையில் ஒரு சில இடங்களில் மழை பெய்துள்ளது. அதிகபட்சமாக கோபிசெட்டிபாளையத்தில் 13 சென்டி மீட்டர் மழை பதிவாகி உள்ளது. அடுத்த 24 மணி நேரத்திற்கு தமிழகம் புதுவையில் ஒரு சில இடங்களில் லேசானது முதல் மிதமான மழைக்கு பெய்யக்கூடும்.

வடதமிழகத்தின் உள்மாவட்டங்களில் ஓரிரு இடங்களில் கனமழைக்கு வாய்ப்புள்ளது. சென்னையை பொறுத்தவரை வானம் மேகமூட்டத்துடன் காணப்படும் நகரின் சில பகுதிகளில் லேசான மழைக்கு வாய்ப்புள்ளது.” என்றார்.

hiddensocietyTamilnadu

கால்மேல் கால் போட்டு அமர்ந்த தலித் இளைஞருக்கு அரிவாள் வெட்டு… தேனியில் பயங்கரம்!

தேனி மாவட்டம் கோடாங்கிபட்டி கிராமத்தில் தலித் அருந்ததியர் தெருவில் சுந்தர் (23) என்ற இளைஞர் தனது வீட்டு வாசலில் கால் மேல், கால் போட்டு, அமர்ந்து பாட்டு கேட்டுள்ளார். அப்போது அவ்வழியாக சென்ற ஆதிக்க சாதியை சேர்ந்த கண்ணன் (40) சுந்தரிடம், “என் முன்னால், கால் மேல், கால் போட்டு எப்படி பாட்டு கேட்கலாம்” எனக்கூறி தான் வைத்திருந்த அரிவாளை எடுத்து சுந்தரின் தலையில் வெட்டியுள்ளார். இதனால் ரத்த வெள்ளத்தில் நிலைகுலைந்து கீழே சரிந்த சுந்தரை அப்பகுதி மக்கள் மீட்டு தேனி அரசு மருத்துவக்கல்லூரி மருத்துவமனையில் சேர்த்தனர்.

இதே போல் அண்மையில், மதுரை அலங்காநல்லூர் அருகே தன்னை எதிர்த்துப்பேசிய தலித் மாணவனை 9-ம் வகுப்பு படிக்கும் சகமாணவனே பிளேடால் வெட்டிய கொடூரம் நிகழ்ந்துள்ளது.

முழு செய்திக்கு:

https://www.newsu.in/?p=2821

hiddensocietyTamilnadu

அந்த சாதிக்காரன் என்னையே எதிர்த்து பேசுறியா? தலித் மாணவன் முதுகை வெட்டிய 9-ம் வகுப்பு மாணவன்!

மதுரை மாவட்டம், அலங்காநல்லூர் ஒன்றியம் பாலமேடு அருகே மறவப்பட்டி காலனியை சேர்ந்த சரவணகுமார் என்ற மாணவர் பாலமேடு அரசு மேல்நிலைப்பள்ளியில் 9-ம் வகுப்பு படித்து வருகிறார். கடந்த 11-ம் தேதி அதே வகுப்பில் படிக்கும், மோகன்ராஜ் என்ற மாணவனின் பள்ளி பையை மற்றொரு மாணவன் மறைத்து வைத்துள்ளார். தனது பள்ளி பையை கொடுத்துவிடுமாறு மோகன்ராஜ் தனது நண்பன் சரவணகுமாருடன் சேர்ந்துகொண்டு அந்த மாணவனிடம் கேட்டுள்ளனர். இதனால் ஆத்திரமடைந்த அந்த மாணவன், சரவணகுமாரின் சாதியை சுட்டிக்காட்டி கொச்சை வார்த்தைகளால் திட்டி நீயெல்லாம் என்னை எதிர்த்து பேசுவியா? என்று கூறி பிளேடால் சரவணகுமாரின் முதுகில் கிளித்துள்ளான். ப்ளேடால் வெட்டப்பட்ட சரவணகுமாரின் முதுகின் நடுப்பகுதியில் பலத்த வெட்டுக்காயம் ஏற்பட்டு தையல் போடப்பட்டுள்ளது. இந்த புகைப்படம் சமூக வலைதளங்களில் வெளியாகி காண்போரை உலுக்கியுள்ளது.

பாடப்புத்தகங்களின் பின்னால் உள்ள “தீண்டாமை ஒரு பாவச் செயல்” என்ற வரியின் விளக்கத்தையும், அதன் வீரியத்தையும் ஆசிரியர்கள் முதலில் மாணவர்களுக்கு பாடம் எடுத்தாலே இதுபோன்ற குற்றங்களை ஓரளவு கட்டுப்படுத்த முடியும். ஆனால், இங்கு பள்ளி மாணவர்கள் சாதிக்கொரு நிறத்தில் கயிறு கட்டிக்கொண்டு பள்ளிக்கு வருவதும், அங்கன்வாடியில் தலித் பெண்கள் பணியாற்றக்கூடாது என பெற்றோர்களே எதிர்ப்பு தெரிவிப்பதும், ஆசிரியர்களே மாணவர்கள் மத்தியில் சாதிப்பிரிவினையை தூண்டி விடுவதும் சகஜமாக நடந்தேறி வருகிறது. இதுபோன்றவற்றை தடுக்மாதவரை தீண்டாமை கொல்ல முடியாது விஷ ஜந்துவாக என்றும் வளர்ந்துகொண்டிருக்கும்.