Highlights

Highlights

HOT POSTS

latest

தமிழகம்

Tamilnadu

தேசியம்

India

ஆசியா

asia

சர்வதேசம்

world

செய்தியின் பின்னணி

மறைக்கப்பட்டவை

விழித்திரு

article

காசு... பணம்... துட்டு

நம்பலாமா? வேண்டாமா?

கிரிக்கெட் மைதானத்தில் இளம் வீரர் பலி

No comments
கொல்கத்தாவை சேர்ந்த 21 வயது ஆன இளம்  வீரர் ஒருவர் மைதானத்தில் பயிற்சியில் ஈடுபடுக் கொண்டிருந்த போது திடீரென மாரடைப்பு ஏற்பட்டு மருத்துவமனையில் அனுமதிக்கப்பட்டார் ஆனால், அவர் உயிரிழந்ததாக மருத்துவர்கள் தெரிவித்துள்ளனர்.
பைக்காரா என்ற கிளப் அணிக்காக விளையாடி வந்த அனிகித் ஷர்மா என்ற 21 வயது இளைஞர், மைதானத்தில் கிரிக்கெட் பயிற்சியில் ஈடுபட்டிருந்தபோது திடீரென மயங்கி விழுந்தார். இதைத் தொடர்ந்து அவரது நண்பர்களும் மருத்துவமனை சக வீரர்களும் அவரை மருத்துவமனை கொண்டு செல்ல, அவர் ஏற்கெனவே இறந்துவிட்டதாக மருத்துவர்கள் தெரிவித்துள்ளனர்.
"நாங்கள் எல்லோரும் மைதானத்தில் பயிற்சிக்காக கூடியிருந்தோம். நீண்ட நாட்களாகவே கால்பந்து விளையாட வேண்டும் எனக் கூறிக்கொண்டிருந்தார் ஷர்மாபயிற்சியில் ஈடுபட்டிருந்த போது திடீரென மயங்கி விழுந்தார். அவரை உடனடியாக மருத்துவமனையில் அனுமதித்தனர். ஆனால், அனிகித் ஏற்கனவே இறந்துவிட்டதாக மருத்துவர்கள் தெரிவித்தனர்"என சம்பவத்தை நேரில் பார்த்த ஒரு சக வீரர் கூறினார்.
"அவர் ஒரு சிறந்த வீரர். கடந்த வருடம் தான் இங்கு வந்தார். சிறப்பாக பீல்டிங்கும் செய்பவர், அணிக்கு முக்கியத்துவம் கொடுத்து எப்போதும் விளையாடுபவர். இந்த சம்பவத்தால் நாங்கள் கடும் அதிர்ச்சியில் உள்ளோம்" என்று அணியின் பயிற்சியாளர் கூறினார்.

உலக வங்கியின் தலைவராக தமிழக பெண்ணுக்கு வாய்ப்பு

No comments

உலக வங்கியின் புதிய தலைவராக தமிழகத்தை பூர்வீகமாக கொண்ட இந்திரா நூயி நியமிக்கப்பட உள்ளதாக தகவல் வெளியாகியுள்ளது.


189 நாடுகளை அங்கமாக கொண்டுள்ள உலக வங்கியின் தலைவரான ஜிம் யாங் கிம், இம்மாத இறுதியுடன் பதவியில் இருந்து விலகுவதாக அறிவித்தார். இதையடுத்து, உலக வங்கியின் புதிய தலைவரை தேர்வு செய்யும் பணியில் அமெரிக்கா தீவிரம் காட்டி வருகிறது. புதிய தலைவராக அதிபர் ட்ரம்பின் மகளான இவாங்கா டிரம்ப் நியமிக்கப்படுவார் என செய்திகள் வெளியான நிலையில், அதனை உலக வங்கி திட்டவட்டமாக மறுத்துள்ளது. இந்த நிலையில், புதிய தலைவர் பொறுப்புக்கு இந்திரா நூயியை முன்னிறுத்த அமெரிக்கா பரிசீலனை செய்து வருவதாக தகவல் வெளியாகியுள்ளது. 63 வயதான இந்திரா நூயி, சென்னையில் பிறந்து பெப்சி நிறுவனத்தின் தலைமை செயல் அதிகாரியாக 12 வருடமாக பதவி வகித்தவர் என்பது குறிப்பிடத்தக்கது.

கல்லூரிகளில் அரசியல் பேச பாண்டேவுக்கு மட்டும் சிறப்பு அனுமதியா?

No comments
தமிழ்நாடு கல்லூரிக் கல்வி இயக்குநர் ஜெ.மஞ்சுளா, அனைத்து மண்டலக் கல்வி இணை இயக்குநர்கள், அனைத்துக் கல்லூரி முதல்வர்களுக்கும் கடந்த 25.04.2018 அன்று தேதியிட்டு அனுப்பி உள்ள கடிதத்தில், ''கல்லூரிகள் நடத்தும் விழாக்கள், நிகழ்ச்சிகளில் பங்குபெறுவோர் மற்றும் சிறப்பு அழைப்பாளர்கள், தாங்கள் சார்ந்த அரசியல் கட்சி அல்லது இயக்கங்களின் கொள்கைகளைத் தங்களின் உரைகளில் கலந்து பேசுவதாகத் தெரியவருகிறது. இது, மாணாக்கர்களின் கல்விக்கு இடையூறாக அமையும். மேலும் இதனால், மாணவர்களின் கல்வியும் ஆராச்சி மனப்பான்மையும் பாதிக்கப்படும். 
எனவே, தங்களின் கல்லூரியில் நடைபெறும் நிகழ்ச்சிகளில் பங்குபெறுவோர், அரசியல் கொள்கைகளையும் பிற இயக்கங்களின் கருத்துகளைப் பரப்புவதையும் விவாதிப்பதையும் தவிர்க்க வேண்டும் என்றும், அவ்வாறான விழாக்களுக்கு அனுமதி மறுக்க வேண்டும் என்றும் தங்களுக்கு அறிவுறுத்தப்படுகிறது. மேலும், மண்டல கல்லூரிக் கல்வி இணை இயக்குநர்கள், தங்கள் ஆளுகைக்குட்பட்ட அரசுஉதவிபெறும், சுயநிதிக்கல்லூரிகளுக்கு இப்பொருள் தொடர்பாக உரிய அறிவுரைகள், சுற்றறிக்கை வாயிலாக அளிக்குமாறு தெரிவிக்கப்படுகிறது'' என்று கூறப்பட்டுள்ளது.
இந்த நிலையில் அண்மையில் தந்தி டிவியில் இருந்து வெளியேறிய ரங்கராஜ் பாண்டே பல்வேறு கல்லூரி நிகழ்ச்சிகளில் கலந்துகொண்டு வருகிறார். அதில் பிரதமர் மோடியை தொடர்ந்து புகழ்பாடி வருகிறார். 
அதற்கு ஒரு உதாரணம் இந்த வீடியோ: https://m.facebook.com/story.php?story_fbid=1290296574458434&id=1068366309984796
ஒரு கல்லூரியில் அவர் நிகழ்த்திய உரை சமூக வலைதளங்களில் பரவி வருகிறது. அதில் மோடியை அப்பழுக்கற்றவர், யாரும் அவரை எதிர்த்து பேச முடியாது, நிமிர்ந்த நடையும் நேர்கொண்ட பார்வையும் தன்னகத்தே கொண்ட மாபெரும் தலைவர் . அவரது குடும்பத்தில் உள்ளவர்கள் இதுவரை பிரதமர் அலுவலகம் வந்தது கிடையாது. வந்தாலும் உடனே பார்த்து விட்டு அனுப்பி விடும் நேர்மை,  நியாயம் மிக்க அப்துல் கலாம் அவர்களுக்கு ஒப்பான தலைவர் என்றெல்லாம் மாணவர்களுக்கான புத்தாக்க பயிற்சி முகாமில் தொடர்ந்து பேசி வருகிறார். இதனால் பாண்டே பாஜக ஆதரவானவர் என்ற தங்களின் கணிப்பு ஒருபக்கம் உறுதியாகிவிட்டதாக பலர் விமர்சித்து வருகின்றனர். மறுபக்கம் பாண்டே உயர்கல்வித்துறை உத்தரவை மீறி இது போல் பேசிவருகிறார் என்பது கவனிக்கத்தக்கது. கம்யூனிஸ்டுகள், திருமாவளவன், திருமுருகன் காந்தி, சீமான், கமல் போன்றோர் கல்லூரிகளில் அரசியல் உரையாற்றியதை கட்டுப்படுத்த முயன்ற அரசு இதை தடுக்காதது ஏன் என்ற கேள்வியும் எழுகிறது.
- செய்திக்குழு

அதிமுக அரசை அதிர வைத்த மேத்திவ் சாமுவேல் யார்?

No comments
மறைந்த முதல்வர் ஜெயலலிதாவின் சொகுசு பங்களாவான கொடநாட்டில் நடைபெற்றை கொலை மற்றும் கொள்ளை தொடர்பாக பத்திரிக்கையாளர் மேத்திவ் வெளியிட்ட வீடியோ தமிழக அரசியலில் பெரும் பரபரப்பை ஏற்படுத்தியுள்ளது.

கொலையில் பல்வேறு சந்தேகங்கள் இருந்தாலும் குற்றவாளியும் பத்திரிக்கையாளர் மேத்திவ் சாமுவேலும் முதல்வரின் மீது குற்றஞ்சாட்டுவதற்கு பின்னணியில் எதிர்கட்சிகளின் சதிகள் இருப்பதாகவும் புகார்கள் எழுந்துள்ளது.

தெகல்காவின் முன்னாள் ஆசிரியரான மேத்திவ் சாமுவேல் ஏற்கனவே பாஜக நிர்வாகி பங்கார் லட்சுமணன் என்பவரை ஆயுத பேர ஊழலில் லஞ்சம் வாங்கியதாக அம்பலப்படுத்தி பரபரப்பை ஏற்படுத்தினார்.
அந்த வீடியோவால் அப்போதைய ராணுவ அமைச்சராக இருந்த ஜார்ஜ் பெர்னாண்டசும்,பங்கார லட்சுமணனும் பதவியை இழந்தனர்.

தெகல்காவின் முன்னாள் இணைய ஆசிரியராக இருந்த மேத்திவ் சாமுவேல், ஸ்டிங்க் ஆப்ரேஷன் என்ற ஊடக புலனாய்வை அறிமுகப்படுத்தியவர். 
இன்வெஸ்டிகேசன் ஆப் ஜார்னலிசம் என்ற முறையில் அவருடைய புலனாய்வு இந்திய அளவில் பேசு பொருளாக மாறியிருந்தாலும் பல்வேறு நேரங்களில் அதில் தோல்வியும் அடைந்திருக்கிறார். 

இந்த நிலையில் தற்போது கொடநாடு பங்களாவின் கொலை தொடர்பான வீடியோவை வெளியிட்டு பெரும் பரபரப்பை ஏற்படுத்தியுள்ளார். ஆனால் இவர் மீதும் சில குற்றச்சாட்டுக்கள் முன்வைக்கப்படுகிறது.
மேத்திவ் சாமுவேலை எதிர்க்கட்சிகள் தூண்டிவிடுவதாகவும் குற்றச்சாட்டு எழுந்து வருகிறது. 

இந்த ஆவணப்படம் வெளியானவுடனேயே அரசியல் வட்டாரத்தில் காட்டுத்தீப்போல் பரவத் தொடங்கியது. குறிப்பாக அந்த ஆவணக்காட்சிகளில் கொடனாடு பாதுகாவலர் ஓம் பகதூரின் கொலைக்கு முதல்வர் எடப்பாடி பழனிச்சாமி தான் முக்கிய காரணம் என தெகல்காவின் முன்னாள் ஆசிரியர் மேத்தீவ் சாமுவேலுடன் முக்கிய குற்றவாளியான சயன் மற்றும் மனோஜ் ஆகியோர் இணைந்து டெல்லியில் பேட்டியளித்தனர்.

 இந்த குற்றச்சாட்டிற்கு பல்வேறு அரசியல் தலைவர்கள் முதலமைச்சரை பதவி விலக வேண்டுமெனவும், இந்த கொலை தொடர்பாக சிபிஐ விசாரணை நடத்த வேண்டுமெனவும் கோரிக்கை வைத்து வருகின்றனர்.

இதற்கிடையே முதல்வர் எடப்பாடி பழனிச்சாமி தன் மீது அவதூறு பரப்புவதாக சென்னை குற்றப்பிரிவு போலிசாரிடம் புகார் ஒன்றை அளித்தார். 

இதையடுத்து அடுத்தடுத்து நடந்த தொடர் மரணங்களால் பல்வேறு குழப்பங்களும் சந்தேகங்களும் வலுத்து வரும் நிலையில் இந்த வழக்கை சிபிஐ யிடம் மாற்ற வேண்டுமென சமூக ஆர்வலர் டிராபிக் ராமசாமி உச்ச நீதிமன்றத்தில் மனு அளித்துள்ளார்.

முன்னதாக கொடனாடு கொலை தொடர்பாக பேட்டியளித்த சயன் மற்றும் மனோஜை போலிசார் கைது செய்து நீதிமன்றத்தில் ஆஜர்படுத்தினர். ஆனால் தமிழக காவல்துறையின் தரப்பில் தகுந்த பதிலளிக்காததையடுத்து அவர்கள் இருவரும் விடுவிக்கப்பட்டு ஜனவரி 18 ம் தேதி ஆஜராக வேண்டும் என நீதிபதி உத்தரவிட்டது குறிப்பிடத்தக்கது.

- செய்திக்குழு

ரஜினி என நினைத்து மிமிக்ரி கலைஞரிடம் பேசிய எச்.ராஜா (வீடியோ)

No comments
பிக் எப்.எமில் ஆர்.ஜே.வாக பணிபுரியும் சரித்திரன் என்பவர் பல்வேறு பிரபலங்களுக்கு தொலைபேசிய மிமிக்ரி செய்து கலாய்க்கும் நிகழ்ச்சியை நடத்தி வருகிறார். அதன் படி இவர் பாஜக தேசிய செயலாளர் எச்.ராஜாவிடம் ரஜினி போல் கால் செய்து பேசியுள்ளார். ராஜாவும் அதை முழுமையாக நம்பி பதிலளிக்கிறார். இந்த வீடியோ சமூக வலைதளங்களில் வைரலாகி வருகிறது.

சிறந்த பினிஷர் என மீண்டும் நிரூபித்த தோனி!

No comments
ஆஸ்திரேலியாவுக்கு எதிரான டெஸ்ட் தொடரை வென்ற இந்திய அணி, தற்போது, 3 போட்டிகள் கொண்ட ஒருநாள் தொடரில் பங்கேற்றுள்ளது. இதில், சிட்னியில் நடைபெற்ற முதல் போட்டியில் இந்திய அணி, 34 ரன்கள் வித்தியாசத்தில் தோல்வியை தழுவியது. இந்நிலையில், இவ்விரு அணிகளுக்கு இடையேயான 2-வது போட்டி, அடிலெய்டில் இன்று நடைபெற்றது. டாஸ் வென்று முதலில் பேட் செய்த ஆஸ்திரேலியா அணி 50 ஓவர்கள் முடிவில் 9 விக்கெட்டுகள் இழப்பிற்கு 298 ரன்களை குவித்தது. இந்திய அணி தரப்பில் புவனேஷ்வர் குமார் 4 விக்கெட்டுகளையும், முஹம்மது ஷமி 3 விக்கெட்டுகளை வீழ்த்தினர்.
299 ரன்களை வெற்றி இலக்காக கொண்டு களமிறங்கிய இந்திய அணி தொடக்கம் முதலே நிதான ஆட்டத்தை வெளிப்படுத்தியது. இதில் கேப்டன் விராட் கோலி 104 ரன்களை குவித்து 39வது ஒருநாள் சதத்தை விளாசி அசத்தினார். மறுமுனையில் பொறுப்புடன் ஆடிய முன்னாள் கேப்டன் தோனி 55 ரன்களை குவித்து வெற்றிக்கு வித்திட்டார். முதல் போட்டியில் தோனி அதிக பந்துகளை வீணடித்ததால் தோல்வியை தழுவியதாக பலர் விமர்சித்த நிலையில், இந்த போட்டியில் தோனி இறுதி வரை ஆட்டமிழக்காமல் குறைந்த பந்துகளில் அரைசதம் விளாசி சிறந்த பினிஷர் என்பதை மீண்டும் நிரூபித்தார்.

மேயரை மேடையிலேயே குத்தி கொன்ற இளைஞர்

No comments
போலந்து நாட்டை சேர்ந்த மேயரை நிகழ்ச்சி மேடையிலேயே இளைஞர் ஒருவர் கத்தியால் குத்தி கொலை செய்தது பரபரப்பை ஏற்படுத்தியுள்ளது.
போலந்து நாட்டில் தனியார் அறக்கட்டளை நடத்திய இசை நிகழ்ச்சியில் மேயர் பாவேவூ அடமோவிட்ச் கலந்துகொண்டார். மேடையில் நின்றுகொண்டிருந்த அவரை அங்கு வந்த இளைஞர் தான் வைத்திருந்த கத்தியால் குத்தினார். படுகாயமடைந்த மேயரை அங்கிருந்தவர்கள் மீட்டு மருத்துவமனைக்கு கொண்டு சென்றனர். அங்கு அவர் இறந்துவிட்டதாக மருத்துவர்கள் தெரிவித்துள்ளனர். இந்த நிலையில் கத்தியால் குத்திய ஸ்டெஃபான் என்ற இளைஞரை போலீசார் கைது செய்துள்ளனர்.
© all rights reserved
Designed by Dot colors